गावातील प्रमुख सण म्हणजे गणेशोत्सव, दिवाळी, पोळा व होळी. तसेच नवरात्र उत्सव, कोजागिरी पौर्णिमा उत्सव आणि चैत्रयात्रा उत्सव हे येथे मोठ्या भक्तिभावाने आणि थाटामाटात साजरे केले जातात.

धार्मिक पर्यटनाच्या दृष्टीने सप्तशृंग गडाचे विशेष महत्त्व आहे. येथे असलेले श्री सप्तशृंग निवासीनी देवी मंदिर हे महाराष्ट्रातील साडेतीन शक्तिपीठांपैकी एक आद्य शक्तिपीठ मानले जाते. याशिवाय मार्कंड ऋषी पर्वत हेही धार्मिक व ऐतिहासिक स्थळ प्रसिद्ध आहे.